ليه عربيات شركة جنرال موتورز بتبطل تدور بسبب آيس كريم الفانيليا

في السبعينات، وصلت لشركة جنرال موتورز شكوى أغرب من الخيال.

عميل بيقول إن عربيته البونتياك الجديدة بتبطل تدور، بس لما بيشتري أيس كريم فانيليا! أي طعم تاني مفيش أي مشكلة.

طبعًا في الأول افتكروه بيهزر.. لكن الشركة قررت تبعت مهندس عشان يحل اللغز.

المهندس اكتشف إن السر مش في الطعم، السر في الوقت.. الفانيليا كانت أقرب حاجة للباب، فبيشتريها في دقيقة.

في الدقيقة دي، الموتور مكنش بيلحق يبرد وبيحصله مشكلة "احتباس بخار البنزين".

أما باقي الأنواع، فكانت بتاخد وقت أطول عشان يجيبها، فالموتور كان بيلحق يبرد.

والنتيجة؟ جنرال موتورز عدلت تصميم الموتور كله بسبب أيس كريم الفانيليا.