تحذير نقيب الفلاحين.. أسعار الطماطم هتوصل 20 جنيه قبل رمضان
"الحقوا خزنوا طماطم قبل رمضان!".. ده كان تحذير نقيب الفلاحين حسين أبو صدام، اللي أكد إن أسعار الطماطم هتفضل طالعة الفترة الجاية، وممكن توصل من 15 لـ20 جنيه، ومع دخول رمضان الزيادة واردة كمان.
ليه الأسعار بتعلى؟ لأننا في نهاية الموسم الشتوي، والزرعات الحالية قربت تخلص، فالمعروض بيقل والأسعار بتتحرك.
بس ما تقلقش… الارتفاع ده مش دايم، ومش أزمةن قبل كده الطماطم وصلت لـ50 جنيه، ودلوقتي أرقامها أقل بكتير.
المشكلة مش بس عند المستهلك، الفلاح نفسه بيخسر، لأن المحصول بيقعد 6 شهور في الأرض، وفي الآخر بيتباع بأقل من تكلفة إنتاجه.
والأهم… مفيش خوف من نقص الطماطم، مصر بتزرع حوالي نص مليون فدان في السنة، وبتعتبر من أعلى 6 دول إنتاج للطماطم في العالم.
يعني: الحق خزن دلوقتي، قبل ما الأسعار تكمل طلوع!".
مش هتندم لو عملت كده، الطماطم موجودة دلوقتي، واللي يسيبها ممكن يلاقي نفسه دفع أكتر بكثير الأيام الجاية!
