أوعى تعمل كدة.. بند قانوني يسحب منك شقة الإسكان في ثانية

فرحت بالشقة واستلمتها؟ خلي بالك من أخطر بند في عقد الإسكان الاجتماعي وهو "تغيير النشاط".

في ناس بتفكر تفتح الشقة مكتب، أو عيادة، أو حتى تقلب الصالة محل صغير، وده أكبر غلط ممكن تقع فيه.

القانون بيقول إن الشقق دي "للسكن فقط"، وأي محاولة لتغيير النشاط بتعرضك لسحب الشقة فورا وإلغاء التخصيص، حتى لو دافع كل الأقساط ومنتظم في السداد.

في لجان ضبطية قضائية بتعدي فجأة وبشكل دوري تتأكد إن الشقة ساكنة وإنها سكنية مش تجارية.

لو اتمسك عندك أي مخالفة، بتدفع غرامة كبيرة وممكن تخسر الشقة نهائيا.

حافظ على سكنك، ولو محتاج تفتح مشروع، دور على المحلات اللي الدولة بتطرحها في نفس المنطقة.