للمطلقة أو الأرملة.. أسهل طريقة تاخدي بيها شقة تمليك

كلنا عارفين ان الدولة بتدي أولوية كبيرة في شقق الإسكان الاجتماعي للمطلقات والارامل عشان تضمن سكن أمان ومستقر ليها ولأولادها.

لو إنتي مطلقة أو أرملة، ليكي الحق تقدمي في أي طرح جديد تابع لوزارة الإسكان، والميزة هنا إن ليكي أولوية في الترتيب لو معاكي أطفال.

الأوراق المطلوبة بسيطة بس لازم تكون دقيقة..  أهم حاجة قسيمة الطلاق أو شهادة وفاة الزوج، وصور بطاقات الرقم القومي، وشهادات ميلاد الأولاد، والأهم من ده كله هو القيد العائلي المميكن.

لو بتشتغلي هاتي مفردات مرتب، ولو مفيش شغل بتعملي شهادة دخل من محاسب قانوني، ولو ليكي نفقة بتجيبي ورقة رسمية بقيمتها.

خدي الخطوة وقدمي، الشقة دي هتكون اولوية ليكي .. والتقديم بيبقى إلكتروني في مواعيد الطرح الرسمية... اللي غالبا هتكون في الربع الأول من 2026.