إزاي تحجز شقة من الدولة بـ 150 ألف جنيه؟

عايز شقة بسعر يبدأ من 150 ألف جنيه؟
الدولة طرحت وحدات سكنية جديدة ضمن أكبر طرح سكني في مصر.

الطرح يشمل أكتر من 25 ألف وحدة
من إجمالي حوالي 400 ألف وحدة هتنزل على مراحل، والحجز بيتم إلكترونيًا من خلال منصة مصر العقارية.

المشروعات المطروحة متنوعة،
زي جنة، سكن مصر، ديارنا، ظلال،
وكمان إسكان متنوع في الإسماعيلية الجديدة.

مقدم الحجز بيبدأ من 150 ألف
ويوصل لحد 250 ألف جنيه حسب نوع المشروع، والدفع متاح بفيزا، ماستر كارد، ميزة، أو من خلال البنوك ومكاتب البريد.
شروط التقديم بسيطة:

لازم تكون مصري، سنك 21 سنة أو أكتر،
وينفع للأعزب يحجز وحدة أو اتنين في مشروعات مختلفة، لكن الأسرة ما ينفعش تحجز أكتر من وحدة في نفس المشروع.

كمان التقديم معناه إنك موافق على كل الشروط.

وإنك اطلعت على تفاصيل الوحدة والموقع.

يعني لو بتدور على فرصة سكن حقيقية
وبسعر مناسب مقارنة بالسوق
الطرح ده ممكن يكون البداية الصح.