أسعار الفراخ هتزيد في رمضان.. إيه حكاية أن المزارع بتبيع بالخسارة؟

أسعار الفراخ هتزيد في رمضان والمزارعين دلوقتي بيبيعوها بخسارة
محمود سليمان عضو اتحاد منتجي الدواجن طلع قال مفاجأة عن أسعار الفراخ في رمضان وقال إن فيه زيادة 10 جنيه في الكيلو.

ووضح أن وصول أسعار الفراج لـ 65 جنيه دي مش زيادة خالص ولا تعتبر غلو لأن التكلفة الحقيقية على المربي بتوصل لـ 75 جنيه وكون السعر لسه تحت كدة فده معناه إن المزارع بتخسر.

والزيادة اللي ممكن تحصل في رمضان دي مجرد محاولة لإنقاذ المنتج عشان يقدر يكمل ويفتح مزرعته.. والناس لازم تستوعب إن لو السعر مزادش ووصل للرقم العادل المربي هيخرج من السوق تماما وساعتها السعر هيقفز قفزة تاريخية زي ما حصل زمان ووصل لـ 100 جنيه 
فالتوقعات بتقول إن فيه تحرك في الأسعار جاي في الطريق وده مصلحة للمستهلك قبل المنتج عشان نضمن استمرار الإنتاج ومنرجعش لأزمة نقص الفراخ من تاني.