زوجتك مش على بطاقة التموين؟ ضم أفراد الأسرة أونلاين بخطوات بسيطة

لو زوجتك أو حد من أولادك مش مضافين على بطاقة التموين، دلوقتي تقدر تضمهم أونلاين من غير ما تروح مكتب تموين.

وزارة التموين فعلت خدمة ضم أفراد الأسرة من خلال منصة مصر الرقمية، في خطوة لتسهيل الإجراءات وتوفير الوقت.

كل اللي عليك تدخل على المنصة، تختار خدمات التموين، وتضغط على "ضم أفراد أسرتي"، وتستكمل البيانات بعد ما تقرأ الشروط كويس.

الخدمة متاحة بشرط إن صاحب البطاقة يكون مستحق للدعم، ورب الأسرة المسجل، ومن غير ضم متوفين أو أرباب أسر مسجلين على بطاقات تانية.

التجربة بدأت في بورسعيد وناجحة، وخلال الفترة الجاية هتتوسع لباقي المحافظات.