بعد سنة واحدة بس.. رينو اتخلصت من أغرب عربية كهرباء في تاريخها
الأحد 21/ديسمبر/2025 - 06:30 م
رينو قررت تنخلص من أغرب وأصغر عربية كهربا في تاريخها، وللأبد.
العربية دي اسمها "موبلايز ديو"، وكانت المفروض تبقى الجيل الجديد من "التويزي" الغريبة.
تخيل عربية لشخصين قاعدين ورا بعض، وببان بتفتح لفوق زي عربيات لامبورجيني عشان تعرف تركن في أي حتة ضيقة.
والأغرب إنها مكنتش مجرد شكل.
مداها كان بيوصل لـ 161 كيلو في الشحنة، وكان فيها إيرباج للسواق، ودي حاجة نادرة جدًا في فئتها.
طب ليه وقفوها بعد سنة واحدة بس من الإعلان عنها؟ السبب الحقيقي، المنافسة الصينية.
رينو قررت إنها بدل ما تصرف فلوسها على مشاريع صغيرة زي دي، هتركز كل استثماراتها في العربيات الكبيرة والمربحة عشان تقدر تواجه الوحوش الصينية اللي داخلة السوق.
