بعد ما الكل كان بيجري عليها.. ظاهرة غريبة تضرب سوق السيارات الكهربائية

بعد ما العالم كله كان متجه للكهربا .. حصلت حاجة غريبة محدش كان متوقعها.

لأول مرة من سنين طويلة، الناس اللي كانت ناوية تشتري عربية كهربا، بدأت تغير رأيها وترجع تفكر تاني في عربيات البنزين العادية.

طب إيه اللي حصل؟
طلع إن قلق الشحن لسه حقيقي.

فكرة إنك ممكن متلاقيش شاحن أو تضطر تستنى بالساعات لسه بتخوف ناس كتير.

والخوف الأكبر، سعر البطارية.

لو باظت بعد كام سنة هتعمل إيه؟ تمنها ممكن يبقى قد تمن عربية مستعملة.

والقشة اللي قسمت ضهر البعير، إن الحكومات في دول كتير بدأت تشيل الدعم اللي كانت بتشجع بيه الناس.

هل شايفين إن المستقبل لسه للكهربا، ولا عربيات البنزين لسه مكملة معانا؟