7 جنيه في يوم واحد.. هبوط في أسعار الفراخ
اسعار الفراخ بقت في الأرض.. الفترة ديه اسعار الفراخ كل يوم والتاني تنزل بشكل كبير.. وناس كتير بدأت تسأل ايه اللي بيحصل.. وايه السر ورا الاسعار ديه وهل الفراخ فيها مشكلة مثلا؟
لكن خليني اقولك أن اللي بيحصل ده بسبب زيادة المعروض من المزارع .. الفراخ البيضاء نزلت حوالي 2 جنيه ووصل سعر الكيلو في المزرعة حوالي 58 جنيها، أما الفراخ الساسو الحمراء نزلت 7 جنيهات بالمزرعة ووصلت لحوالي 60 جنيهًا بدل من 67 جنيهًا.
وكيلو الفراخ البلدي نزل من 109 لـ 104 جنيه.
ومع التراجع ده أسعار البانيه كمان نزلت حوالي 20 جنيه ووصلت لـ160 جنيه بعد ما كانت بـ 180 جنيه.
مش بس أسعار الفراج اللي نزلت.. كمان البيص سعر كرتونة البيض الأحمر وصلت لـ 105 جنيهات وبتوصل للمستهلك بحوالي 120 جنيه بعد ما كانت بـ 130 جنيها.
كمان سعر كرتونة البيض البلدي بـ 135 جنيه جملة وللمستهلك بنحو 145 جنيها.
طيب والسبب وراء ده ايه.. وهل مثلا الفراخ فيها مشكلة.
الحقيقية لا.. السبب ورا كل ده هو ضخ المزارعين كميات كبيرة في السوق عشان يوازنوا العرض مع الطلب.. ومع قرب رمضان الحكومة ومنتجي الفراخ كمان عملوا اجتماعات لضبط الأسعار وضمان توفر المنتجات بأسعار مناسبة للمستهلكين عشان السوق يفضل مستقر ومايحصلش فيه اي نقص.
