عدو عربيتك الأول في الشتاء.. إزاي تحمي عربيتك من البارومة

المطر والمايه ممكن يكونوا السبب إن عربيتك تصدي وتتبهدل من غير ما تاخد بالك.

دي كام نصيحة سريعة تحمي بيها عربيتك من "البارومة".

أولاً: أي خدش صغير في البوية ده باب مفتوح للبارومة، لو لقيت أي تجريح، عالجه فوراً.

ثانياً: بطن العربية من تحت، دي أكتر حتة معرضة للخطر، اغسلها بانتظام، بالذات بعد أي مطرة، ولو تقدر رشها بمادة حماية عند أي متخصص.

ثالثاً: فتحات تصريف الماية اللي تحت البيبان، دي لو اتسدت، الماية بتتحبس جوه والباب بيصدي من جوه وانت مش شايف، نضفها دايمًا بسلك رفيع أو هوا مضغوط.

رابعاً: الركنة، لو تقدر تركن في جراج أو مكان متغطي، ده هيفرق معاك كتير أوي وهيحافظ على العربية.