لو مكتب وكرسي.. أغرب سبب لسحب شقق الإسكان الاجتماعي

تخيل تبقى حجزت شقة في الإسكان الاجتماعي وحققت حلمك.. وفجأة الشقة تتسحب منك بسبب حاجه غريبة جدا مكنتش متوقعه.

القانون واضح جدا.. الشقق دي معمولة عشان الناس تسكن فيها وبس.. لكن الغريب إن في ناس بتفكر إنها ممكن تشتري الشقة دي وتقلبها أي حاجة تانية.

زي إنك تحولها محل، أو مخزن، أو عيادة... لأي استخدام غير السكن.. الوزارة محذرة..  لو غيرت استخدام الشقة من سكن لحاجة تانية، العقد بيتفسخ على طول وبدون أي إنذار

مفيش وقت تقول "مخدتش بالي".. الشقة دي مدعومة من الدولة عشان الأسر تسكن فيها، مش عشان تفتح بيها مشروع تجاري.

ركز كويس.. خلي شقة الإسكان للسكن وبس، عشان متلاقيش نفسك بتخسرها بسبب غلطة بسيطة! يعني ممكن مكتب وكرسي يضيعوا عليك شقة العمر.