أكبر 5 أعداء لبطارية عربيتك الكهرباء.. حافظ عليها بخطوات بسيطة

فيه 5 أعداء مستخبيين، أنت اللي بتصحيهم كل يوم عشان يسرقوا عمر بطارية عربيتك.

العدو الأول، رجلك التقيلة، كل كبسة بنزين مفاجئة بتعملها، هي وجبة دسمة بتقدمها للعدو ده عشان ياكل من شحن البطارية.

العدو التاني، التكييف، لما بتشغله على أعلى حاجة، أنت مش بتبرد العربية بس، أنت بتشرب من عمر البطارية.

العدو التالت، الكراكيب، كل كيلو زيادة مالوش لازمة في شنطة العربية هو حِمل زيادة بيخلي الموتور يستنجد بالبطارية عشان تساعده.

العدو الرابع، الطريق الصعب، المرتفعات والطرق المكسرة بتجبر الموتور إنه يستهلك طاقة أكتر.

والعدو الأخطر عادات الشحن الغلط، إنك تشحنها لـ 100% كل مرة، أو تسيبها تفضى خالص، أنت مش بتستهلكها بس أنت بتقضي عليها بالبطيء.