لو طلعت معاش.. شقق جديدة لكبار السن

في السنوات الاخيرة ظهر مفهوم شقق التقاعد الحديثة كبديل عملي بين السكن التقليدي ودور رعاية المسنين.

النموذج ده مطبق بالفعل في دول كتير زي المانيا وكندا واليابان وبيستهدف كبار السن القادرين على الاعتماد على نفسهم لكن مع وجود احتياج لدعم منظم.

الشقق دي بتكون داخل مجمعات سكنية مغلقة ومصممة وفق معايير عالمية لسلامة كبار السن زي الارضيات غير القابلة للانزلاق والحمامات المجهزة ومداخل بدون درجات.

السكن هنا قائم على الاستقلال الكامل.. كل شخص له شقته الخاصة لكنه في نفس الوقت جزء من مجتمع فيه خدمات طبية أساسية متاحة على مدار اليوم ونقاط طوارئ داخل كل وحدة سكنية في حالة اي مشكلة صحية.

كمان بتوفر شقق التقاعد انشطة يومية مدروسة للحفاظ على الصحة النفسية والعقلية زي جلسات رياضية خفيفة وورش فنية ولقاءات اجتماعية.

الدراسات بتشير ان النوع ده من السكن يقلل الشعور بالاكتئاب والعزلة بنسبة كبيرة مقارنة بالعيش الفردي داخل المدن.

الفكرة مش رعاية بقدر ما هي اسلوب حياة مريح ومنظم… وده سبب رئيسي في زيادة الاقبال عليه مع تغير شكل الاسرة وارتفاع متوسط العمر في المجتمعات الحديثة.