30 مليون شقة.. أزمة جديدة تهدد تعديلات الإيجار القديم

شريف الجعار رئيس اتحاد مستأجري الإيجار القديم طلع وحذر من تفاقم كبير في أزمة الإيجارات القديمة في مصر.

وقال إن الدولة معتمدة على بيانات مش دقيقة ومش جاهزة تتعامل مع الملف بالشكل المطلوب.

وكشف عن تضارب في الأرقام الرسمية وأكد إن عدد اللي اتسجلوا فعلي علشان ياخدوا سكن بديل حوالي 43 ألف بس.. في المقابل قال إن العدد الحقيقي للمواطنين المتأثرين بالملف ممكن يوصل لأكتر من 30 مليون مواطن.

وأكد كمان إن في شقق كتير مش متسجلة أو مقفولة وده بيخلي عملية الحصر صعبة جدا ويعطل أي حل حقيقي للأزمة، ووضح إن المشكلة الأساسية دلوقتي هي نقص السكن البديل اللي يناسب احتياجات الناس وده خلى ناس كتير ما تقدرش حتى تسجل.

وطالب بمراجعة عاجلة للآليات الحكومية، وحذر إن استمرار الوضع بالشكل ده هيزود الضغط الاجتماعي والاقتصادي بشكل كبير.