الصوت ده هيقضي على عربيتك وإنت مش حاسس

الصوت ده مش مجرد تنبيه إنك محتاج تفوّل… الصوت ده بداية ورطة ممكن تكلفك آلاف الجنيهات.

إزاي؟ طرمبة البنزين اللي في عربيتك، البنزين نفسه هو اللي بيبرّدها، لما بتمشي والتانك فاضي، الطرمبة بتسخن وبتتحرق بالبطيء.

والورطة التانية، إنها بتبدأ تشفط كل الوساخة والرواسب اللي متركزة في آخر التانك.

الوساخة دي بتمشي تسد الفلاتر والرشاشات، تلاقي عزم العربية بيقع ومبقتش بتسحب زي الأول.

وفجأة، تلاقي نفسك بتدفع تمن طرمبة بنزين جديدة، وفلاتر، ورشاشات، مبلغ محترم.

الخلاصة؟ متستناش اللمبة تنور.

أول ما تلاقي التانك وصل للربع، فوّل علطول.. عادة بسيطة هتوفر عليك آلاف.