شكل جديد وتوفير خرافي.. دي تويوتا ياريس كروس نايتشيد
الإثنين 08/ديسمبر/2025 - 03:31 م
تويوتا قررت تاخد الياريس كروس لمستوى تاني خالص، ونزلت منها إصدار خاص اسمه نايتشيد.. طب إيه الجديد فيها؟
أولاً، الشكل، تصميمها بقى رياضي وهجومي أكتر، الشبك الأمامي والجنوط والمرايات والسقف.. كل حاجة بقت بلون أسود مطفي بيدي العربية هيبة وشكل مختلف.
ثانياً، التوفير، قلبها هايبرد، يعني موتور بنزين 1500 سي سي شغال مع موتور كهربا، والاتنين مع بعض بيطلعوا 110 حصان.. وده بيديلك توازن مثالي بين القوة واستهلاك البنزين القليل جداً.
ده غير إنها كروس أوفر، يعني عالية عن الأرض ومناسبة لشوارعنا.. سعرها العالمي بيبدأ من حوالي مليون و370 ألف جنيه مصري.
