8 أسباب تؤدي لسحب شقتك في الإسكان الاجتماعي

تخيل استلمت شقة من الإسكان الاجتماعي وكل حاجة تمام.. وفجأة تكتشف ان الشقة اتسحبت، السبب غالبا بيكون من الأخطاء دي.. أول حاجة لو تأخرت في سداد الأقساط مرتين أو أكتر.

التأخير في الدفع ممكن يخلي الشقة ترجع للجهة المسؤولة بسرعة.. كمان لو أجرت الشقة لحد أو بعتيها قبل ما تخلص المدة من غير موافقة رسمية يبقى ده خط أحمر والشقة هتتسحب.

ااه..  وكمان استخدام الشقة لغرض غير السكن زي مكتب أو محل أو نشاط تجاري بيخلي التخصيص يبقى باطل.. لو نقلت ملكية الشقة لحد تاني من غير موافقة مكتوبة الجهة المسؤولة بتلغي التخصيص فورا.. وأي بيانات أو مستندات فيها تزوير أو غلط وقت التقديم بيخلي الشقة مش ملكك رسمي.

لو ما استلمتش الشقة في المعاد المحدد أو سبتها مهجورة لفترة كبيرة ده برضه سبب للسحب.. وبالاضافة لو قدمت على أكثر من وحدة لنفسك أو لنفس أسرتك.

القانون بيمنع ده والشقة بتتشطب، وأخيرا لو خليتها فاضية أو ما سكنتش فيها فعليا.. لان الشقة مخصصة للسكن الحي مش للاحتفاظ بيها.. كل الأخطاء دي ممكن تخليك تخسر شقتك بسرعة.