المعادلة اتقلبت.. العربيات الفرنساوي بقت أرخص من الياباني في مصر
الخميس 04/ديسمبر/2025 - 02:51 م
لأول مرة من سنين، المعادلة في سوق العربيات اتقلبت.. عربية فرنساوي مستوردة بقت أرخص من عربية ياباني بتتجمع هنا.
رينو نزلت سعر عربيتها الـ "تاليانت" جامد، وبقى سعرها الرسمي بيبدأ من 675 ألف جنيه، يعني أرخص من النيسان صني اللي بتبدأ من 690 ألف.. طب لو انت محتار، تشتري مين فيهم؟
النيسان صني، ياباني متجمعة في مصر، اعتمادية والكل عارفها، موتورها 1500 سي سي عادي.
الرينو تاليانت، فرنساوي مستوردة، موتورها أصغر 1000 سي سي بس تيربو، وأمانها أعلى وفيها تكنولوجيا أكتر زي الكارت الذكي والشاشة التاتش.
انتوا بقا لو هتختاروا دلوقتي، هتروحوا للياباني المضمون والمعروف؟ ولا للفرنساوي الجديد اللي فيه تكنولوجيا وأمان أعلى وبقى سعره أرخص؟
