بأسهل إجراءات.. إزاي تاخد شقة في 6 أكتوبر
الأربعاء 03/ديسمبر/2025 - 04:56 م
لو حضرتك من هواة مدينة 6 أكتوبر.. يبقى الفيديو ده ليك.. لأن فيه طرح جديد لكن المفاجأة كبيرة.. وزارة الاسكان بتطرح دلوقتي شقق مشروع صبا في مدينة 6 اكتوبر ضمن مبادرة بيتك في مصر للمصريين العاملين بالخارج.
كل التقديم والسداد بيكون بالدولار ومن خلال منصة بيتك في مصر.. والطروحات الجديدة مش بس في اكتوبر.. دي كمان في العاصمة الادارية ومثلث ماسبيرو والقاهرة الجديدة والشروق.
وفعلا عدد الوحدات كبير ومساحات مختلفة علشان يناسب كل احتياجات المصريين برا البلد.. الهدف انك تقدر تمتلك شقة على اعلى مستوى وتفضل مرتبط ببلدك وانت مسافر.
كل اللي عليك تدخل الموقع تختار المدينة والمشروع وتطلع كود الحجز.. وبعدين تكمل اجراءاتك اونلاين قبل ما الحجز يقفل.
