بيشتغل بالكهرباء والبنزين والطاقة شمسية.. مصري ينافس مهندسين المانيا باختراعه التوكتوك المعجزة

اختراعه قلب كل الموازين.. نافس بيه مهندسين المانيا واليابان.. واتحول من سواق توكتوك بسيط لمهندس ميكانيكا.. وعمل اول توكتوك في العالم بيشتغل بكل مصادر الطاقة من اول البنزين والكهرباء لحد الطاقة الشمسية.. يا ترى إيه قصة الابتكار ده وعمله ازاي وليه ابهر الكل بيه.. تعالوا نعرف ايه الحكاية.

في قرية صغيرة في الدقهلية ظهر راجل بسيط بس دماغه كانت دماغ مهندس كبير.. عم أحمد.. الراجل اللي التوك توك بتاعه كان بيتعطل اكتر ما بيتغل بس بدل ما يشتكي حول المشكلة لابتكار قلب الموازين.

في البداية عم احمد فضل يدور على موتور كهربا وجرب 1200 وات بس ماعجبوش وكان عايز حاجة اقوى فجاب 2000 وات ولما الموتور بقى صاروخ.. البطارية وقعت منه خالص.

وهنا تحديداً ظهر العبقري الحقيقي شاف إعلان عن خلية شمسية صغيرة فقال لنفسه طب ولو كبرتها ولو خليت التوك توك يشحن نفسه وفعلا ركب 3 خلايا تجيب 54 فولت وحطها فوق التوك توك ولما الشمس طلعت التوك توك شحن كأنه بطارية 150 أمبير من غير ولا جنيه زيادة.

الناس في الأول اللي كانت بتقوله إنه بيضيع فلوسه ونفس الناس النهاردة  أول ناس بيجروا وراه.. لكن المبهر بجد ان التوك توك بقى يشتغل ببنزين وكهربا والطاقة الشمسية كمان.

ابتكاره مش بس ابهر الناس ده جذب ليه رزق اكتر والطلبة نفسهم بقوا بيحبوا يركبوا معاه.. ده غير ان الموضوع فتحله باب رزق مختلف وناس كتير من محافظات بدأوا يتصلوا بيه عشان يعمل لهم نفس الاختراع في التكاتك بتاعتهم.