شكلها فضائي.. سعر شانجان UNI-T نزل 50 ألف جنيه

لو بتدور على عربية شكلها يخطف العين بجد ومفيهوش غلطة يبقى لازم تشوف العربية دي.

دي الشانجان UNI-T، واحدة من أكتر العربيات اللي شكلها مميز ومستقبلي في مصر.

والخبر الحلو إن سعرها نزل 50 ألف جنيه مرة واحدة، وبقى بيبدأ من مليون و400 ألف.

طب إيه قصتها؟ دي عربية كروس أوفر بموتور تيربو 1.5 لتر بقوة 177 حصان.. يعني شكل وأداء مع بعض.

ومن جوه، عالم تاني خالص، شاشتين كبار لازقين في بعض، شاحن وايرلس، وكل أنظمة الأمان اللي ممكن تتخيلها، من أول الكاميرات الـ 360 درجة لحد إنها بتقف لوحدها لو هتخبط. والأهم، ضمانها 6 سنين أو 250 ألف كيلو.