من غير مشاوير.. تقدر تنقل بطاقة التموين من محافظة للتانية بكل سهولة
وزارة التموين أعلنت خدمة جديدة مهمة جدًا.. دلوقتي تقدر تنقل بطاقة التموين من محافظة لمحافظة إلكترونيًا ومن غير ما تروح مكتب تموين!
الخدمة بقت متاحة على منصة مصر الرقمية، وهدفها تسهيل الإجراءات وتقليل الزحمة في المكاتب الحكومية
طيب مين يقدر يستخدم الخدمة؟
لازم اللي يعمل الطلب يكون مالك البطاقة نفسه.. يعني رب الأسرة
وكمان لازم يكون من الفئات المستحقة للدعم ومش من الفئات اللي عليها استبعاد.
طب إيه هي الخطوات؟ بسيطة جدًا:
ادخل على منصة مصر الرقمية
اختار: خدمات التموين
اضغط: نقل من محافظة لأخرى
سجل دخولك أو اعمل حساب جديد
اكتب بيانات المحافظة الجديدة واضغط تأكيد!
وخلال نفس المنصة، بقى ممكن كمان تضيف أفراد أسرتك.. سواء الزوجة أو الأولاد بخدمة "ضم أفراد أسرتي".
كل ده ضمن خطة الدولة للتحول الرقمي وإن كل خدمات التموين تبقى على الموبايل ومن غير ورق ومن غير مشاوير
جرب الخدمة وهتوفر وقت ومجهود كبير!
