زلزال الأسعار.. الـROX 001 بتعمل قلق في السوق المصري
الأحد 30/نوفمبر/2025 - 01:21 م
اللي بيحصل في سوق العربيات ده مش طبيعي! الـ ROX 001 لسه نازلة وعملت "هبوط اضطراري" في سعرها للمرة التانية في أقل من شهر!
بنتكلم في خصم محترم.. العربية الـ 7 راكب بقت بـ 3 مليون و200 ألف جنيه، والـ 6 راكب "الفئة الأعلى" بـ 3 مليون و300 ألف.. أرقام هتربك حسابات المنافسين.
طب بتاخد إيه بالسعر ده؟ وحش ماشي على الأرض!
عربية (REEV) يعني كهرباء وموتور بنزين بيشحنها، بتطلع 470 حصان.. يعني طيارة!
والأقوى من كده؟ إنها بتمشيك 1,115 كيلومتر في الشحنة والتفويلة الواحدة.. يعني تسافر بيها أي حتة وأنت حاطط رجل على رجل.
عربية عائلية ضخمة، طولها معدي الـ 5 متر، كلها رادارات وكاميرات 360، ووسائل أمان مفيش فيها هزار، وضمان بطارية 8 سنين عشان تبقى مطمن.
تفتكروا بالسعر الجديد ده.. الـ ROX 001 تكتسح ولا لسه في منافسين أقوى؟
