بسرعة 45 كم/س فقط.. ستروين تطلق أغرب عربية كهربائية في مصر

ستروين قررت تدخل السوق المصري بفكرة جديدة تمامًا، عربية اسمها "أمي" Ami، ودي مش عربية بالمعنى اللي نعرفه، دي حل للمشاوير جوه المدينة.

تخيل معايا عربية كهربا بكرسيين بس، قوتها 8 حصان، وسرعتها القصوى متتعداش 45 كيلو في الساعة، وبتمشيك 75 كيلو في الشحنة الواحدة اللي بتاخد حوالي 4 ساعات.

طب ليه حد يشتري حاجة زي دي؟

الفكرة كلها في الاستخدام، دي معمولة عشان تبقى بديل عملي للموتوسيكل أو السكوتر.

هتروح بيها الجامعة، الشغل، مشاويرك السريعة، سهلة جدًا في الركنة، مفيش مصاريف بنزين، وشكلها شبابي ومختلف.

والأحلى، إن أبوابها بتتفك وسقفها بيتفتح بالكامل، يعني عربية صيفية بامتياز.

السؤال الأهم، كل ده بكام؟ سعرها الرسمي: 585 ألف جنيه.