كيا جاية تقلب سوق الكهرباء في مصر.. واستعراض القوة يوم 9 ديسمبر
السبت 29/نوفمبر/2025 - 06:00 ص
خلاص رسميًا كيا هتنزل عربياتها الكهربا في مصر.. يوم 9 ديسمبر الجاي الوكيل هيعلن عن تشكيلة كاملة.
ودي مش أي عربيات.. تخيل معايا وحش 7 راكب اسمه EV9، بقوة 508 حصان، بيوصل من صفر لمية في 4 ثواني ونص بس!
ولو بتدور على السفر والمشاوير الطويلة، عندك الـ EV4.
مداها بيوصل لـ 625 كيلو في الشحنة الواحدة، وبتشحنها في حوالي نص ساعة بس.
ده غير الـ EV5 العائلية والـ EV6 الرياضية اللي فيها اختيارات كتير في القوة والبطارية.
باختصار، كيا داخلة بقوة وهتغير شكل المنافسة في سوق الكهربا.
