خطوات بسيطة.. إزاي تحمي نفسك من النصب في الحج والعمرة
لو ناوي تطلع عمرة أو حج السنة دي… لازم تاخد بالك من شوية حاجات مهمة عشان ما تقعش في فخ الشركات النصابة!
أول حاجة تعملها أنك لازم تتعامل مع شركات سياحة معتمدة ومسجلة رسميًا، وبلاش إعلانات الإنترنت أو العروض الرخيصة، اتأكد بنفسك من الترخيص وسجل الشركة من موقع وزارة السياحة أو بوابة العمرة المصرية.
خد بالك كمان، بلاش تدفع مقدم كبير، وكل مبلغ تدفعه لازم عليه إيصال رسمي مختوم...وتبعد تمامًا عن السماسرة و الوسطاء اللي بيقولوا لك “الإجراءات سهلة“ أو “عندنا الأسعار الأرخص”… معظمهم شركات بير السلم!
اقرأ كويس عقد البرنامج واطلب تفصيل الرحلة من السكن والطيران لحد التنقلات والتأشيرة، وخد نسخة منه لنفسك.
ولأي استفسار أو شكوى، كلم الخط الساخن لوزارة السياحة على طول.
دور على تجارب ناس قبلك وماتسمحش لأي حد يلعب بأحلامك أو فلوسك، علشان تضمن رحلة ايمانية وتعمل المناسك بكل ارحيه بدون ما يحصل معاك مشاكل في رحلتك اللي قعدت سنين تحلم بيها.
