حكاية منع دخول المصريين للمتحف المصري الكبير وتخصيص تذاكر الدخول للأجانب

سمعنا كتير أخبار عن نفاذ تذاكر المصريين لزيارة المتحف المصري الكبير.. مع العلم أن التذاكر بتكون متاحة علي الموقع الالكتروني للمتحف للزوار الأجانب والعرب.. وفي كلام كتير منتشر علي السويشال ميديا بيقول أن المتحف مش معمول للمصريين ومخصص للزوار الأجانب بس.

الكلام اللي انتشر بشكل كبير الفترة اللي فاتت.. إدارة المتحف المصري الكبير نفته تماما.. وقالت إن المتحف متاح قدام كل الفئات سواء كانوا مصريين أو أجانب أو أجانب وعرب مقيمين.. وان تذاكر الزيارة مقسمة بنسب محددة بين الـ3 فئات.

إدارة المتحف قالت كمان أن المصريين مرحب بيهم في أي وقت طالما في تذاكر للزيارة موجودة.. والسبب الحقيقي اللي حصل وخلي تذاكر الدخول تكون مش متاحة خصوصا في أيام الجمعة والسبت هو الإقبال الكبير من المصريين علي زيارة المتحف.