وداعا للتوك توك.. دي العربية الجديدة اللي هتمشي في شوارع الجيزة
الأربعاء 26/نوفمبر/2025 - 04:30 ص
خلاص رسميًا زمن التوك توك في الجيزة بينتهي.. طب إيه البديل؟ عربية صغيرة وحضارية اسمها "كيوت".
المحافظة بتقول إن العربية دي هتحل مشاكل كتير.
أولاً، هتبقى مترخصة وليها نمر، يعني أمان أكتر وتنظيم.
ثانياً، بتشتغل بالغاز والبنزين، يعني توفير كبير في المصاريف.
والأهم إن حجمها صغير، عشان تعرف تدخل الشوارع الضيقة زي التوك توك بالظبط.
نيجي بقى للسؤال المهم، سعرها كام؟
سعرها حوالي 200 ألف جنيه، والمحافظة بتقول إن فيه تسهيلات وقروض للي هيشتريها وهيبدل التوك توك بتاعه.
