إزاي تسجل أسرتك في التأمين الصحي الشامل من غير ورقة ولا طوابير
لو إنت رب أسرة وعايز تسجل عيلتك في منظومة التأمين الصحي الشامل.. دلوقتي الموضوع بقى أسهل من أي وقت فات!
منصة مصر الرقمية فتحت خدمة جديدة تقدر من خلالها تسجل أسرتك بالكامل إلكترونيًا.. من غير ما تقف طوابير ولا تروح مكاتب.
كل اللي عليك إن بطاقة الرقم القومي تكون سارية.. وتكون من المحافظات اللي اتطبق فيها النظام.
ولو إنت من شمال سينا تقدر تكمل التسجيل في جنوب سينا أو الإسماعيلية
بعد التسجيل بتختار أقرب وحدة رعاية صحية ليك، وبتستلم كارت التأمين الصحي الشامل.
وبعدها تروح الوحدة اللي اخترتها تعمل
الفحص المبدئي وتفتح الملف العائلي
أما الناس اللي مش خاضعين للتأمينات الاجتماعية فبيكملوا بيانات الدخل في مكتب خدمة العملاء ويدفعوا الاشتراكات لاستخراج الكارت.
خدمة سهلة، سريعة، وبتقربك خطوة من رعاية صحية محترمة ليك ولأسرتك
ادخل على منصة مصر الرقمية وابدأ سجل أسرتك دلوقتي.
