أول أتوبيس برمائي في مصر.. جولة على البر والمياه بـ100 جنيه
جاهزين لتجربة عمرها ما حصلت في مصر قبل كده؟.. أول أتوبيس برمائي في البلد داخل الخدمة.. أيوه، نفس الرحلة تمشي على الأرض وتكمل في النيل!
وزارة النقل أعلنت إن التجربة هتنطلق في أول أسبوع من ديسمبر 2025، والأتوبيس الواحد هيشيل 43 راكب، يعني جولة كاملة على البر والمية في نفس الوقت.
الرحلة هتبقى مميزة جدًا:
هتبدأ من المتحف المصري الكبير، وبعدها الأتوبيس ينزل على نهر النيل ويكمل لحد متحف الحضارة.. جولة فيها تاريخ، مناظر، وتجربة سياحية شكل تاني خالص.
التشغيل هيبقى يوميًا من 9 الصبح لحد 6 المغرب، وفيه 8 رحلات رايح جاي علشان الكل يلحق يجرب ويستمتع
والأسعار للمصريين من 100 لـ250 جنيه والأجانب من 15 لـ25 دولار
والأطفال المصريين أقل من 12 سنة مجاني.
وكمان في مفاجأة لطيفة:
هيبقى فيه رحلات مجانية في البداية علشان الناس تتعرف على الفكرة وتعيش التجربة من غير ما تدفع حاجة!
قولولي بقى.. مين نفسه يجرب أول أتوبيس بيمشي في النيل؟
