من غير زحمة ولا ورق.. قدم على عداد الكهرباء الكودي من موبايلك في دقايق

عايز تركب عداد كهرباء كودي من غير ما تروح الشركة؟

دلوقتي تقدر تعمل كل حاجة من موبايلك وبخطوات بسيطة جدًا.

كل اللي عليك:
تدخل على المنصة الموحدة لخدمات الكهرباء.

اعمل حساب جديد لو أول مرة، أو سجل دخولك لو عندك حساب.

اختار خدمة تركيب عداد كودي مسبق الدفع.

املأ بياناتك، وارفع صور المستندات المطلوبة اللي هي بطاقة رقم قومي، عقد الملكية أو الإيجار، صورة للوحدة من بره، وإيصال مرافق حديث.

ادفع الرسوم الإدارية اللي حوالي 50 جنيه إلكترونيًا.

بعد كده استنى رسالة بالموافقة أو استكمال البيانات.

الخدمة دي ضمن خطة التحول الرقمي في وزارة الكهرباء، يعني وداعًا للزحمة والورق، وكل حاجة أونلاين!

نظام العدادات الكودية كمان بيساعدك تتابع استهلاكك أول بأول وتتحكم في مصاريفك.