البيض رخص فجأة 10 جنيه.. والسبب غريب!
الثلاثاء 04/نوفمبر/2025 - 05:30 ص
فاكرين لما طبق البيض كان سعره بيزيد كل يوم؟..النهارده العكس تمامًا حصل!
البيض نزل حوالي 10 جنيه في أقل من 4 أيام.
الناس فرحانة والأسواق بدأت تهدى شوية، وسعر الطبق استقر دلوقتي عند 130 جنيه تقريبًا. بس المفاجأة مش في النزول .. المفاجأة في السبب!
الإنتاج زاد بشكل كبير في المزارع، وسعر العلف نزل بعد ما كان مولع، وكمان المزارع الكبيرة بدأت تستخدم نظم حديثة بتقلل الفاقد وبتخلي الإنتاج أنضف وجودته أعلى.
التجار بيقولوا الأسعار ممكن تفضل مستقرة لحد نص نوفمبر، خصوصًا مع زيادة الطلب في الشتاء.
