بسبب التوقيت الشتوي.. خد بالك البنوك هتوقف بعض الخدمات
الخميس 30/أكتوبر/2025 - 04:00 ص
البنوك هتوقف الخدمات المصرفية.. لو انت من مستخدمين الفيزا.. او بتحب تخلص معاملاتك أونلاين فخلي بالك كويس اوي
اليومين دول البنوك بدأت بتبعت رسايل لعملاءها علشان تنبههم ان في صيانة هتتعمل على الأنظمة الإلكترونية مع بداية التوقيت الشتوي
وده هيكون ليلة الخميس ٣٠ أكتوبر من الساعة ١١ بالليل لحد ٣ الصبح الجمعة.. وده معناه ان ممكن بعض الخدمات زي الإنترنت البنكي والمحفظة الإلكترونية ومكن الـATM هتتأثر مؤقتا.
البنوك بتأكد ان الصيانة دي ضرورية علشان يظبطوا التوقيت في الأنظمة ويحافظوا على أمان الخدمات.. فلو لقيت الخدمة واقفة وقتها متقلقش كل حاجة هترجع تشتغل عادي بعد التحديث.
