لو ناوي تشتري دهب.. ترقب تحركات يوم الخميس لهذا السبب
لو معاك فلوس وعاوز تشترى دهب استنى لحد يوم الخميس الجاي وبعدها خد القرار.. طب ليه يوم الخميس تحديدا وايه اللى هيحصل فى ليوم ده بالظبط ويه علاقته بسوق الدهب محلي وعالمي؟
يوم الخميس الجاي متوقع يحصل لقاء مهم جدًا ما بين الرئيس الأمريكي دونالد ترامب والرئيس الصيني شي جين بينغ اللقاء ده هو الجولة اللي العالم كله مستني يشوف هتنتهي بإيه هدنة؟ ولا انفجار جديد في الحرب التجارية؟
طب إيه أهمية اللقاء ده ؟
الصين وامريكا اكبر قوتين فى العلم وي توتر بينهم بيصيب لمستثمرين بلذعر وبيخلى الاقبال على الدهب يرتفع وبالتلى الاسعار بتزيد واى اتفق بينهم الاقبال على لدهب بيقل والاسعار بتنخفض .. واللي حاصل دلوقتي إن السوق داخل اللقاء ده مترقِّب “اتفاق جمركي” ولو حصل أي تهدئة ما بين واشنطن وبكين ده معناه نهاية موجة القلق اللي رافعة أسعار الدهب الفترة اللي فاتت.
محللين كتير شايفين إن لو حصل اتفاق فعلاً الدهب ممكن يهبط بقوة لأن “سبب ارتفاعه” هيتشال من السوق وصناديق الاستثمار اللي داخلة في الدهب كملاذ آمن هتبدأ تبيع فتضغط السعر نزول أكتر وبكده اللي كان ناوي يشتري قبل اللقاء هيكون دفع فرق كبير على الفاضي.
وخلينا اقول لحضراتكم خلال آخر أسبوع، سعر الأونصة كان بيتحرك فوق وتحت على خلفية تصريحات إحتمال الاتفاق الأسواق مش داخلة بكل قوتها مستنية يوم الخميس لو الاتفاق حصل ده معنه موجة بيع في الدهب ونزول سريع و لو الاتفاق فشل معنه ان لدهب ممكن يطير لفوق تاني.
بس هنا بقى السؤال اللي يهمك كمصري.. إيه علاقة ده بسعر الدهب عندنا؟
فيه علاقته مباشرة لأن الصايغ في مصر بيطلع سعره على حسب السعر العالمي + سعر الدولار.. ولو سعر الدهب العالمي وقع المحلات لازم تنزل عياراتها في خلال يومين بالكتير.
يعني الشبكة اللي هتشتريها الخميس ممكن تبقى أرخص من نفس الشبكة اللي هتشتريها النهاردة بفارق محترم.
فلو إنت مش مضطر تشتري النهاردة استنى الخميس وشوف نتيجة لقاء ترمب والرئيس الصيني الاتفاق الجمركي لو اتقفل الدهب غالبًا هيتراجع بنسب كبيرة.
ولو فشلوا ساعتها هتاخد قرارك وانت فاهم ليه السعر طالع.
