انتعاشة كبرى في عوائد الدولار.. موعد قدوم بعثة صندوق النقد.. وهدوء حذر في سوق الدهب
رصدت بانكير، خلال الساعات الأخيرة، عدد من الملفات على الساحة المحلية والعالمية، التي تم نشرها عبر منصاتها المختلفة، والتي يأتي من أبرزها، انتعاشة كبرى في عوائد الدولار، وموعد قدوم بعثة صندوق النقد، وهدوء حذر في سوق الدهب.
والبداية بخبر مهم جدًا.. تحويلات المصريين العاملين برّه حصل فيها طفرة كبيرة ومش مسبوقة خلال أول 8 شهور من السنة دي (من يناير لـ أغسطس 2025)؛ التحويلات زادت بنسبة قياسية 47.2%، ووصلت لحوالي 26.6 مليار دولار.
وبحسب بيان البنك المركزي المصري، الرقم ده بيتقارن مع حوالي 18.1 مليار دولار بس خلال نفس الفترة من السنة اللي فاتت، وكمان البيانات أكدت النمو القوي شهريًا، لإن التحويلات في شهر أغسطس 2025 زادت بنسبة 32.6% ووصلت لـ حوالي 3.5 مليار دولار، مقارنةً بحوالي 2.6 مليار دولار في أغسطس 2024.
البنك المركزي المصري قال إن عجز ميزان المعاملات الجارية في البلد نزل لـ 2.2 مليار دولار في فترة أبريل لـ يونيو 2025 مقارنة بـ 3.7 مليار دولار في نفس الفترة من السنة اللي فاتت.
ونروح للدكتور مصطفى مدبولي، رئيس الوزراء، اللي قال إن الظروف الاستثنائية اللي عدّت بيها المنطقة بطّلت شوية عملية الطروحات الحكومية.
وكمل في مؤتمر صحفي من مقر مجلس الوزراء، وقال إن في توافق إيجابي مع صندوق النقد الدولي، وهيتحدد خلال كام يوم ميعاد وصول بعثة الصندوق للمراجعة.
ومدبولي أكد إن الفترة الجاية هتشهد مزيد من الإيجابيات والإنجازات في قطاعات مختلفة.
وقال كمان إن القمة المصرية الأوروبية الأولى اللي بتبدأ النهارده في بروكسل بتمثل تتويج لمسار الشراكة الاستراتيجية الشاملة بين مصر والاتحاد الأوروبي اللي اتعلن عنها في مارس 2024، وهي الأولى من نوعها، وده بيعكس أهمية التعاون بين الجانبين وتعميق التعاون التجاري والاستثماري وتحويله لمحرك تنموي حقيقي في كل المجالات والبنية التحتية.
ونروح لسوق الصيغة.. أسعار الذهب في مصر النهارده، شهدت استقرار ملحوظ في بداية التعاملات بعد الهبوط الكبير اللي حصل خلال اليومين اللي فاتوا، واللي خسر فيها الجرام حوالي 400 جنيه، بعد موجة صعود استمرت 9 أسابيع ووصلت الأسعار فيها لمستويات تاريخية.
الهبوط ده جه بعد ارتفاع الدولار عالميًا وقلة الطلب الفعلي على الذهب في الأسواق الآسيوية خصوصًا بعد انتهاء موسم “ديوالي” في الهند، اللي بيعتبر من أهم مواسم الشراء عالميًا.
وبحسب بيانات منصة آي صاغة، الأسعار كانت كالتالي:
عيار 24: 6245 جنيه
عيار 22: 5725 جنيه
عيار 21: 5465 جنيه
عيار 18: 4684 جنيه
الجنيه الذهب: 43720 جنيه
الأوقية عالميًا: 4032 دولار
ونروح لسوق العملات الأجنبية.. أسعار صرف الدولار مقابل الجنيه استقرت بشكل ملحوظ في تعاملات اليوم في البنوك، مع تحرك طفيف لا يزيد عن 5 قروش.
متوسط سعر الدولار في البنك المركزي المصري حوالي 47.50 جنيه للشراء و47.60 جنيه للبيع، وده أحدث أسعار الدولار في شوية بنوك:
بنك القاهرة: 47.63 شراء – 47.73 بيع.
بنك مصر: 47.55 شراء – 47.65 بيع.
بنك قناة السويس: 47.53 شراء – 47.63 بيع.
مصرف أبوظبي الإسلامي: 47.53 شراء – 47.63 بيع.
البنك الأهلي الكويتي: 47.52 شراء – 47.56 بيع.
بنك قطر الوطني QNB: 47.51 شراء – 47.61 بيع.
البنك المصري الخليجي: 47.51 شراء – 47.61 بيع.
المصرف المتحد: 47.50 شراء – 47.60 بيع.
العربي الأفريقي الدولي: 47.50 شراء – 47.60 بيع.
بنك فيصل الإسلامي: 47.50 شراء – 47.60 بيع.
