أغلى عسل في العالم الجرام منه بـ10 آلاف يورو.. ليه غالي كده؟
الخميس 23/أكتوبر/2025 - 03:30 ص
تخيل إن فيه عسل جرامه أغلى من الدهب نفسه. أيوه.. أغلى أنواع العسل في العالم سعر الجرام منه ممكن يوصل لأكتر من 10 آلاف يورو!
النوع ده اسمه عسل الكهف التركي، وبيتجمع من أعماق الكهوف اللي بتوصل لحد 1800 متر تحت الأرض! بس عملية استخراجه صعبة جدًا، وده اللي بيخليه نادر وغالي بالشكل ده.
وبيسموه "الدهب السايل" مش بس علشان سعره، لكن كمان بسبب فوائده العلاجية الكبيرة اللي بتخليه مطلوب في الطب والعلاج الطبيعي.. يعني لو شوفت برطمان صغير من النوع ده، اعرف إنك قدام كنز مش عسل عادي!
