لو عاوز العربية توفر في استهلاك البنزين.. السر في قطعة الغيار دي
الأحد 19/أكتوبر/2025 - 08:44 ص
في وسط موجة ارتفاع أسعار البنزين اللي بتحصل خبراء الصيانة بينصحوا الناس بحاجة بسيطة بس تأثيرها كبير جدًا على استهلاك العربية للبنزين وهي البوجيهات.
البوجيهات دي مسؤولة عن إشعال خليط البنزين والهواء جوه الموتور، ومع الوقت لما بتتبهدل أو تتآكل، الاحتراق بيضعف والعربية تبدأ تشرب بنزين أكتر من الطبيعي.
عشان كده تغييرها بانتظام من 30 لـ40 ألف كيلو أو زي ما الشركة المصنعة بتوصي ممكن يحافظ على كفاءة الموتور بنسبة توصل لـ20%، وكمان يقلل الدخان والانبعاثات الضارة.
يعني لو البوجيهات عندك شغالة كويس، البنزين اللي بتحطه بيتحرق بالكامل والموتور بيشتغل بسلاسة، فتوفر في البنزين وتحافظ على العربية في نفس الوقت.
