بأقل من 700 الف جنيه.. أرخص عربية ياباني في السوق
الثلاثاء 14/أكتوبر/2025 - 05:00 ص
لو ناوي تشتري عربية ومتردد تجيب دلوقتي ولا تستنى شوية، يبقي الحق بسرعة قبل ما الفرصة تفوتك اصل ده انسب وقت للشراء .
خصوصا أن شركة نيسان إيجيبت أعلنت رسميًا في أول أكتوبر عن تخفيض أسعار نيسان صني موديل 2026، التخفيض مش بسيط خالص… بيتراوح ما بين 15 لـ55 ألف جنيه!
وده خلاها رسميًا أرخص عربية يابانية في مصر دلوقتي.
الأسعار الجديدة نزلت عشان تبقي للفئة الأولى أوتوماتيك 695 ألف بدل 745 ألف جنيه، والفئة التانية بقت 745 ألف بدل 780 ألف، أما الفئة التالتة والأعلى تجهيزًا فسعرها بقى 795 ألف بدل 810 ألف جنيه.
العربية دي جاية بمحرك 4 سلندر سعة 1500 سي سي، بقوة 108 حصان، وناقل حركة أوتوماتيك 4 سرعات أو مانيوال 5 سرعات.
وكمان فيها كل وسائل الأمان الأساسية زي ايرباج ، ونظام فرامل ABS، وتوزيع إلكتروني للفرامل EBD، وحساسات ركن خلفية مدعومة بكاميرا.
