السكة الحديد ترفع الغرامات!.. هتدفع 100 جنيه لو ركبت من غير تذكرة!
الإثنين 06/أكتوبر/2025 - 05:00 ص
السكة الحديد قررت تشد الحزام شوية! أي حد يركب القطر من غير تذكرة، خصوصًا لو رفض يدفع الغرامة جوه القطر، هيستناه قرار جديد.
طيب يعني إيه الكلام ده؟
الغرامة في القطارات المكيفة هتبقى 100 جنيه بدل 50 وفي القطارات العادية أو تحيا مصر هتبقى 50 بدل 20.
يعني لو راكب من غير تذكرة، وغلطت ورفضت تدفع جوه القطر،
هيستنوك في المحطة ويدخلوك في الغرامة الجديدة فورًا!
السكة الحديد وضحت كمان إن الكمسرية لازم ياخدوا بياناتك، ولو ما معكش بطاقة، هيوقفوك أول محطة فيها "قضائي" علشان تتحاسب هناك!
القرار رسمي وهيدخل التنفيذ من بكرا علطول فـ خليك دايمًا فاكر .. التذكرة أرخص بكتير من الغرامة!
