زيارة الإيرادات والحفاظ على الآثار.. فكرة السيسي اللي حولت الآثار لكنز ذهب
في رقم ضخم جدا مصر وفرته الدولة في الانفاق على قطاع الآثار وحولت القطاع ده لواحد من روافد الناتج القومي. ياتري اية اللي عملته الدولة في قطاع الآثار.. وازاي مصر وفرت رقم كبير في الناتج القومي للدولة المصرية من القطاع ده.
قطاع الآثار واحد من القطاعات المهمة جدا في الدولة المصرية، واللي الدولة موجهاله اهتمام كبير خصوصا في الفترة الأخيرة ده بسبب التركيز الكبير اللي بقي موجود علي قطاع السياحة ورغبة الدولة في زيادة إيرادات القطاع في الناتج القومي المصري.
مؤخرا الدولة لقت فكرة عبقرية علشان تعظم إيرادات قطاع الآثار بدون ما تصرف جنيه واحد من فلوس الشعب، وكمان الطريقة دي دخلت لمصر ارقام كبيرة جدا، ده غير أنه بقي في اهتمام كبير من وراها بالمعالم الأثرية المصرية، والفكرة دي جاية عن طريق زيادة مشاركة القطاع الخاص في قطاع الآثار.
طيب اية اللي عملته الدولة علشان تزود إيرادات قطاع الآثار من المشاركة مع القطاع الخاص؟.
خلال الكام سنة اللي فاتوا الدولة اتجهت لفتح الباب قدام القطاع الخاص للدخول في شراكة مع الحكومة في إدارة المواقع الأثرية، بس الشراكة دي مش في إدارة المنطقة الأثرية بالشكل الكامل، لا دي شراكة في إدارة المناطق المخصصة الأنشطة التجارية، خصوصا أن كل المناطق الأثرية دلوقتي بقي فيها مناطق مخصصة لبيع الهدايا للسائحين والزائرين ومناطق لتقديم الاكل والمشروبات وغيرها من الأنشطة التجارية والترفيهية اللي بقت مطلوبة في المناطق الأثرية.
الدولة لما لجأت للفكرة دي كانت الهدف منها أن القطاع الخاص هدخل المنطقة الأثرية وهيعمل فيها بنية تحتية للاستقبال الزائرين من أماكن استقبال وحمامات وكافتيريات ووسائل ترفيهية ولعب الاطفال، وكملنه الدولة بتاخذ منهم مبالغ مالية بيتم الاتفاق عليها واللي بتكون بتختلف علي حسب طبيعة المنطقة الأثرية، وفي المقابل الدولة بتخصص للشركات مناطق معينة لبناء المطاعم والكافيتريات والمناطق التجارية المطلوبة، وطبعا بتكون بعيدة عن المنطقة الأثرية بهدف حماية الاثر وعدم تعرض لأي شكل من أشكال التعدي سواء بالتشوية أو الخدوش.
الدولة علي طول طبقت الفكرة وبدأت تنفذها في عدد كبير من المناطق الأثرية زي القلعة ومنطقة الاهرامات الأثرية والمتاحف المصري الكبير وقصر البارون وغيرها من المناطق الأثرية المنتشرة علي مستوي الجمهورية، والشركات دي بدأت تروج لمنتجاتها والحفلات والفعاليات اللي ممكن تنظمها في المناطق الأثرية، وطبعا في اقبال عالمي علي المناطق لتنظيم الحفلات والفعاليات المختلفة، خصوصا أن كل الناس والشركات بيتمنوا تنظيم فعالية تكون الخلفية بتاعها منطقة أثرية زي الاهرامات أو تمثال أثري فريد .
