خطة السيسي لاستعادة عرش الجنيه المصري والتخلص من أزمة الدين العام
الدولة عندها هدف كبير وهو التخلص من الدين العام.. ياتري اية اللي هيحصل في مصر لو تخلصنا من الدين العام.. وآية مستقبل الجنية المصري لو الحلم ده تحقيق .. وهل ممكن الحكومة تخلي الخدمات مجاناً للناس كنوع من الرفاهية الاقتصادية في التوقيت ده.
في كل مرة الحكومة بتتكلم فيها عن مستقبل الجنية المصري بيكون موضوع الدين العام حاضر وبقوة، وده اللي بيحصل في كل المؤتمرات الصحفية اللي بتعملها الحكومة واللي كان آخرها المؤتمر الصحفي اللي عقده رئيس مجلس الوزراء الدكتور مصطفى مدبولي الاسبوع اللي فات واللي أتكلم فيه عن مستقبل الاقتصاد المصري والتحديات اللي بتواجههنا وخطة الدولة لخفض الدين العام.
رئيس مجلس الوزراء خلال المؤتمر اتكلم باستفاضة عن خطة الدولة لخفض الدين العام، وقال إن الدولة ماشية بمسار نزولي لخفض الدين العام بشكل مستمر، وان الدولة منتظمة في سداد ديونها الخارجية، وان الأرقام اللي موجودة عن الاقتصاد المصري مبشرة بشكل كبير جدا.
طيب اية اللي بتعمله الدولة علشان تخلص من أزمة الدين العام وآية اللي هيحصل للجنة المصري في الحالة دي ؟.
في الوقت الحالي الحكومة شغالة علي 3 خطط لخفض الدين العام أولهم زيادة الإيرادات وده بيحصل عن طريق زيادة الناتج القومي المصري وتنويع مصادر الدخل الدولاري لمصر من الخارج ووضع خطط طويلة المدي لزيادة مدخلات كل القطاعات في الدولة، وتحسين الضرائب، وزيادة الاستثمارات الأجنبية وزيادة مشاركة القطاع الخاص في الاقتصاد المصري.
في الوقت اللي الدولة عندها هدف وهو زيادة المصروفات برضوا في شغل داخلي الدولة بتقوم بيها وهو تقلل المصروفات وترشيد الدعم وده برنامج الدولة بتطبيقه من فترات بعيدة للتخلص من الأعباء المالية اللي موجودة عندها وخلال السنين اللي فاتت شوفنا أكثر من مرة قرارات الحكومة لتحرير سعر الطاقة وغيرها من الخدمات اللي بتقدمها الدولة للمواطنين.
ثالث حاجة الدولة شغالة عليها للتخلص من أزمة الدين العام. هيا التخلص من الأصول والشركات اللي لها خسائر علي الدولة وده بيحصل عن طريق برنامج الطروحات الحكومية واللي الدولة بتطبيقه بالتعاون مع استشاري دولي بهدف التخارج من بعض القطاعات والهيئات المملوكة للدولة واللي لها خسائر كبيرة علي النتائج القومي ومصروفاتها اعلي من إيراداتها .
طب إيه اللي هيحصل للجنيه المصري لو اتخلصنا من الدين العام أو علي الاقل خفضناه لنسبة كبيرة؟.
في فوائد كتيرة هترجع علي مصر لو الحكومة نجحت أنها تخفض الدين العام أو تتخلص مصر أولها ان الجنيه هيبقى عنده فرصة يستقر أكتر قدام الدولار، وممكن يقوى تدريجي على المدى الطويل، وتاني نتيجة هيا أن تكلفة الفوايد اللي الدولة بتدفعها هتقل، وده يدي مساحة للحكومة تصرف على القطاعات الخدمية في الدولة زي التعليم والصحة والمشروعات الجديدة وده هينعكس علي حياة المواطن المصري.
في نقطة مهمة جدا هتحلص لو الدولة قدرت تتخلص من ديونها الخارجية وهيا أن المستثمر الأجنبي لما يشوف الديون بتنزل هيطمن ويضخ فلوس أكتر، وده هيكون دفعه قوية للاقتصاد المصري أنه يكون اقوي والصادرات المصرية هتزيد والواردات هتقل بدرجة كبيرة وبالتالي الاعتماد علي الدولار في الاستيراد هيقل جدا وهيكون فرصة كويسة جدا للحكومة لزيادة الاحتياطي النقدي.
ولازم تكون عارفين ان حلم مصر للتخلص من الدين العام أو تخفيضه لابعد درجه مش هيحصل بين يوم وليلة، بس مع تطبيق البرنامج الاقتصادي الحالي وزيادة إنتاجية القطاعات المصرية والتوسع في خطة جذب الاستثمارات الأجنبية فدي هيدي فرصة كويسة للاقتصاد المصري أنه يكون احسن في المستقبل وبالتالي سعر صرف الجنية المصري هيكون افضل من دلوقتي قدام العملات الأجنبية، خصوصا أن مستقبل الجنيه مربوط بخطة الدولة للتخلص من الدين، وكل ما الدين ينزل بشكل صح، كل ما الثقة تزيد والجنيه يقف على رجله.
