بعد خروج مصر من عنق الزجاجة، سر تفاؤل المؤسسات الدولية بمستقبل الجنيه المصري
كل المؤسسات الاقتصادية الدولية متفائلة لابعد درجة بخصوص مستقبل الجنيه المصري.. ياتري اية سر تفائل المؤسسات الدولية بمستقبل الجنيه المصري .. وامتي سعر صرف الجنية المصري يكون في نفس قوة الدولار.
من سنين ومصر بتطبيق برنامج اقتصادي صعب جدا علي كل المستويات لإعادة بناء برنامج اقتصاد لمصر قادر علي مواجهة كل الصدمات الخارجية، والبرنامج ده قائم علي زيادة مساهمة كل القطاعات الموجودة في الدولة في الناتج القومي المصري.
علي الرغم من التحديات الصعبة اللي بيقابلها الاقتصاد المصري الا أنه قدر وفي وقت قياسي جدا أنه يحقق مكاسب كانت محتاجة سنين طويلة علشان تتحق لو فضلنا ماشيين بنفس الخطط القديمة ومعتمدين علي مصادرنا المعروفة لزيادة الإيرادات الدولارية.
طيب إزاي مستقبل الجنية المصري هيكون احسن خلال الوقت اللي وآية القطاعات اللي الدولة مركزة عليها في خطة التنمية الاقتصادية ؟.
في عدد كبير من القطاعات الدولة مركزة عليها في خطة إعادة بناء الاقتصاد المصري أولهم زيادة الصادرات المصرية وده بيحصل عن طريق إعادة تشغيل المصانع اللي كانت متوقفة في السوق المصري وجذب الاستثمارات الأجنبية للسوق المصري وزيادة التحفيزات والتسهيلات الحكومية لدخول المستثمرين، واستهداف جذب كل الصناعات اللي السوق المحلي بيحتاجها وكمان استهداف وجود فائض منها علشان نصدره للخارج ويكون بجودة كويسة علشان يقدر ينافس المنتجات الخارجية .
الدولة في الوقت الحالي مستهدفة كمان زيادة الاحتياطي النقدي من العملات الأجنبية، لما الاحتياطي يكون كبير ومدعّم بخطة واضحة، ده بيقلل المخاطر على سعر الصرف، وبالتالي الحكومة هتكون مأمنه البنوك الوطنية بالعملات الوطنية المطلوبة علشان ميكونش في تخوف من وجود أزمات مستقبلية في توفير العملات الأجنبية.
طيب اية هيا القطاعات اللي الدولة مركزة عليها علشان تحسن صورة وشكل الاقتصاد المصري ؟.
في عدد كبير من القطاعات الدولة مركزة وعليها لتحسين صورة الاقتصاد المصري أولهم التوسع في الصناعات التحويلية والمصانع والتركيز علي إنتاج كل احتياجات السوق المحلي من الداخل.
في الوقت اللي الدولة مركزة فيه علي الصناعة برضوا في تركيز علي قطاع تاني مهم جدا وهو قطاع السياحة، خصوصا أن السياحة بتعد من اسرع القطاعات الاقتصادية اللي إيراداتها بتسمع بشكل مباشر لي الناتج القومي المصري ومش محتاجه صرف كتير علشان تحقق العائدات المتوقعة منها.
الدولة برضوا مركزة كمان علي قطاع الزراعة وتحقيق الامن الغذائي، خصوصا أن مصر بتعد المستور الاول في العالم لعدد من السلع الغذائية زي القمح واللي بستنزف جزء كبير من مواردنا الدولارية لتوفير احتياجات السوق المحلي.
واحدة كمان من القطاعات اللي الدولة مركزة عليها لتحسين بيئة الاقتصاد المصري وهيا مجالات الطاقة ومصر بقي عندها استراتيجية لتحويل مصر لمركز إقليمي لتبادل الطاقة وتوفير الطاقة المطلوبة لكل القطاعات الموجودة في مصر خصوصا قطاع الصناعة.
