مكاسب 40% في 8 شهور.. حكاية استثمار بيربح أكتر من الذهب
في عالم الاستثمار والإدخار.. كل الناس ماشية وراء الذهب.. وبتفكر إنه الطريق السريع للربح . لكن فجأة، معدن تاني طلع من الظل.. كسر القواعد.. وكسب أكتر من المعدن الأصفر.
إيه هو المعدن ده؟.. وإية السبب؟ وإزاي ده حصل؟ وقد إيه المكاسب اللى بيحققها؟
في 2025، الفضة بدأت تتفوق على الذهب بشكل مذهل .. الفضة سجلت زيادة 40% في أول 8 شهور من السنة دي، ووصلت 42.29 دولار للأوقية عالميًا.
وده أعلى سعر من 14 سنة!.. وفي مصر، الجرام اللي كان بـ 48 جنيه، بقى بـ 65 جنيه! وبالرغم إن الذهب لسه ليه مكانته، إلّا إن الفضة لفتت الأنظار بزيادة كبيرة.
ليه؟ ببساطة لأن الفضة بقت ملاذ آمن جديد في السوق المضطربة، ودي حاجة حيرت كتير من المستثمرين.
العوامل اللي خلت الفضة تكسب:
– التوقعات بخفض أسعار الفائدة في أمريكا
– الضبابية الاقتصادية والجيوسياسية
– الطلب المتزايد على المعادن الثمينة بصفه عامة.
الفضة بقت مش بس معدن رخيص مقارنة بالذهب، دي كمان بقت فرصة حقيقية في السوق.
في شهور زي سبتمبر وأكتوبر، واللي تاريخيًا بيبقوا صعبين على أسواق الأسهم، الفضة بيبقى ليها دور قوي كملاذ آمن مع ارتفاع حالات عدم اليقين.
وتوقعات كتير بتقول إن الفضة ممكن توصل لحد 50 دولار في الأونصة لو فضل الوضع ده، والناس اللي بدأت تستثمر فيها دلوقتي، هتحقق مكاسب ضخمة في المدى القريب.
على عكس الذهب اللي بيبقى ملاذ آمن تقليدي، الفضة بدأت تبين إنها مش مجرد معدن تابع للذهب، بل أصبحت أداة استثمارية بتجذب المستثمرين الجدد.
يعني لو كنت بتفكر تستثمر في الذهب.. ممكن تكون لسه عندك فرصة أكبر مع الفضة.
الفضة النهاردة بقت مش بس معدن ثمين، دي كمان فرصة استثمارية قوية بتصعد بسرعة.
هل هتخلي الفرصة دي تضيع؟.. ولا هتكون جزء من الجيل اللي شاف الفضة بتكسب أكتر من الذهب؟.. القرار ليك، لكن الفرصة قدامك.
