رايح في حتة بعيدة.. ايه الأسباب اللي رفعت أسعار الدهب من جديد في مصر
الذهب عامل عظمة الفترة دي.. والاسعار في الطالع واللي اشتري ذهب خقق مكاسب كبيرة جدا.. يا ترى ايه سر الارتفاعات الكبيرة اللي موجودة في أسعار الذهب في مصر.. وهل أسعار الحرام عيار 21 هتوصل لـ 5 آلاف جنيه.
الشارع المصري مفيش كلام فيه حاليا غير علي أسعار الذهب واللي كل ساعة بتحقق مكاسب كبيرة، وكل الناس بتسأل عن الأسباب اللي خلت الأسعار توصل للأرقام دي.. وهل الذهب هيوصل لأكثر من 5 آلاف جنية تاني.. وآية الأسباب اللي خلت أسعار الذهب توصل للأرقام دي.
قبل نبدا موضوعنا لازم نفهم ان أسعار الذهب في مصر مرتبطة بالسعر العالمي للمعدن الأصفر، خصوصا أن سعر الأوقية عالميا تجاوز 3500 دولار خلال الأيام اللي فاتت، وده دفع أسعار الذهب في السوق المصري للارتفاع، وده بسبب ان الذهب بيعد ملاذ آمن في ظل تصاعد التوترات الجيوسياسية والقلق بشأن الاقتصاد العالمي، وده اللي خلي المستثمرين حاليا بيفضلوا الاستثمارات في المعدن الأصفر بسبب أسعاره المستقرة.
الزيادات الكبيرة اللي حصلت في أسعار العالمي للذهب انعكست علي سعر الذهب في مصر ، واللي حقق مكاسب كبيرة للمستثمرين فيه، ده غير أن السوق المحلي في مصر شهد مؤخرا قرار من البنك المركزي بخفض أسعار الفائدة وده خلي في اقبال اكبر من المستثمرين علي شراء الذهب، ده غير الانخفاض اللي موجود اصلا في سعر صرف الدولار الأمريكي والتحسن الكبير اللي حصل في سعر صرف الجنية المصري.
العالم كله حاليا بيمر بحالة كبيرة من الركود وتقلبات في السوق العالمي، وده خلي في شعور عند المستهلكين للتأمين المالي ده عزز من الطلب العالمي علي الأسعار وكان دور كبير في الارتفاعات الكبيرة اللي حصلت في أسعار المعدن الأصفر.
كل الأسباب دي خلت أسعار الذهب تحقق ارتفاعات كبيرة جدا، وهيا السبب أن سعر جرام الذهب عيار 21 واللي هو الأكثر مبيعا في الأسواق المصرية يوصل لـ4850 جنية ولسه مرشح للزيادة كمان خلال الوقت اللي جاي وكل التوقعات بتأكد أنه مش بعيد نشوف أسعار الذهب توصل لـ5 آلاف جنية من جديد، وده هيكون خلال أيام قليلة جدا في حالة استمرار العوامل الموجودة حاليا واللي أثرت في ارتفاع الأسعار.
