صدمة جديدة للمصريين في أسعار البنزين والسولار.. شوف مواعيد التطبيق
نهاية سنة ساخنة جدا علي جيوب المصريين وفيها زيادات من كل حته بس المرة دي في زيادة كبيرة في اسعار البنزين والسولار.. ياتري اية اللي بيحصل في موضوع زيادات أسعار البنزين والسولار وإمتي هيبدا تطبيقها.
2025 هتفضل واحدة من السنين اللي الشعب المصري هيفضل فاكرها في تاريخه خصوصا انها بدأت بزيارات في الأسعار وهتنتهي بزيادات جديدة في الأسعار بس المرة دي أسعار محدش يقدر يستغني عنها لأنها هتكون في أسعار البنزين والسولار وأنبوبة البوتاجاز واللي هما العصب الحقيقي لاي مواطن مصري.
في ابريل 2025 الحكومة أقرت زيادات جديدة في أسعار المواد البترولية ومعاها سعر لتر البنزين 95 وصل 19 جنيه، وسعر لتر البنزين 92 وصل ل 17.25 جنيه وسعر لتر البنزين 80 وصل ل 15.75 جنيه وسعر لتر السولار وصل ل 15.5 جنيه، وسعر الغاز الطبيعي للسيارات وصل ل7 جنيه للمتر المكعب، وأنبوبة البوتاجاز وصل سعرها ل 200 جنيه.
مع الزيادة الأخيرة للمواد البترولية الحكومة أعلنت أنه مش هيكون في أي زيادات جديدة في أسعار المواد البترولية لمدة 6 شهور كاملة والزيادات اللي جاية هتكون في شهر أكتوبر، واللي هيكون الشهر اللي جاي، وحاليا لجنة السياسات النقدية بتترقب تحديد موعد انعقاد اجتماعها لتحديد أسعار المواد البترولية الجديد.
طيب اية العوامل اللي الي أساسها لجنة تسعير المواد البترولية بتحدد أسعار البنزين والسولار في مصر ؟.
في 3 بنود أساسية علي أساسهم لجنة تسعير المواد البترولية بتحدد أسعار البنزين والسولار، أولهم هيا متوسط الأسعار العالمية للنفط الخام وفي الوقت الحالي أسعار النفط العالمية مرتفعة جدا بسبب التوترات الجيوسياسية والاقتصادية اللي منتشرة بين اغلب دول العالم خصوصا في الشرق الأوسط وبين اوكرانيا وروسيا، ده غير العلاقات السياسية المتوترة بشكل كبير بشكل كبير بين الصين والولايات المتحدة الأمريكية.
تاني بنظ علي أساسه بيتم تحديد أسعار المواد البترولية في مصر هيا تكلفة إنتاج ونقل الوقود داخل مصر، ودي برضوا بترتفع خصوصا أن مصر بتعتمد علي 3 سفن لتغييز الغاز الطبيعي وبتعتمد علي تغطية النقص المحلي في الإنتاج علي الاستيراد من الخارج.
ثالث سبب علي أساسه بيتم تحديد أسعار البنزين والسولار هيا أسعار صرف الجنيه أمام الدولار، ودي النقطة الوحيدة المضيئة في الموضوع خصوصا أن الجنية المصري حقق مكاسب كويسة جدا خلال الأيام اللي فاتت قدام سعر صرف الدولار بس هل يا تري المكاسب اللي حققها الجنية المصري هتكون حائط سد كويس وتمنع وجود زيادات جديدة في أسعار البنزين والسولار.
كل التوقعات بتأكد أنه في زيادات جديدة في أسعار البنزين والسولار خصوصا ان أسعار النفط العالمية كل يوم في زيادة جديدة لكن حتي الآن الأسعار الجديدة لسه متحددتش.
