خفض جديدة لأسعار الفائدة على شهادات الادخار.. اعرف التفاصيل

خسائر جديدة للمستثمرين في شهادات الادخار. السبب أسعار الفائدة.. ياتري اية سر الخسائر دي .. وليه البنوك بتخفض الفائدة علي شهادات الادخار وامتي هيكون معاد تطبيقها.

من كام ساعة كان في إجتماع مهم جدا للجنة السياسات النقدية بالبنك المركزي علشان يناقشوا سعر الفائدة، واللجنة اقرت خفض سعري عائد الإيداع والإقراض لليلة واحدة وسعر العملية الرئيسية للبنك المركزي بواقع 200 نقطة أساس إلى 22.00% و23.00% و22.50%، على الترتيب، وكمان قررت خفض سعر الائتمان والخصم بواقع 200 نقطة أساس علشان يوصل لـ 22.50%.

طيب اية اللي خلي البنك المركزي يأخذ قرار بتخفيض أسعار الفائدة في مصر ؟.

في أكثر من سبب كانوا هما البطل في قرار لجنة السياسات النقدية بالبنك المركزي لخفض أسعار الفائدة أولهم استقرار التضخم وتباين أسعار السلع الأساسية عالميا خصوصا في الفترة الأخيرة في بوادر ظهرت لتعافي في النمو واستقرار في توقعات التضخم، وبناء الي النتائج دي البنوك المركزية وصار تيسير سياساتها النقدية، واللي بتكون بشكل تدريجي خصوصا في في ظل حالة عدم اليقين الحالية.

أما بقي الناس اللي بتسال علي الأسعار العالمية للسلع الأساسية، فالنفط علي مدار الفترة اللي فاتت شهد تقلبات طفيفة نتيجة عوامل العرض، وأسعار السلع الزراعية سجلت اتجاهات مش مستقرة خصوصا أن النمو والتضخم العالمي لسه معرضين للمخاطر، ده بسبب احتمالية تصاعد التوترات الجيوسياسية وتزايد اضطرابات السياسات التجارية.

أما بقي الناس اللي بتسال علي الأوضاع عندنا في مصر، فالتقديرات الأولية للبنك المركزي المصري بتأكد تحقيق معدل نمو اقتصادي أعلى خلال الربع الثاني من 2025 مقارنة بالتوقعات اللي فاتت، مدفوعا بالمساهمات الموجبة من قطاعات الصناعات التحويلية غير البترولية والسياحة.

توقعات البنك المركزي بتشير لوجود توسع النشاط الاقتصادي بمعدل 5.4% في الربع الثاني من عام 2025، علشان يسجل العام المالي 2024/2025 معدل نمو حقيقي وصل لـ 4.5% في المتوسط مقارنة بمعدل 2.4% في العام المالي اللي فات، وتقديرات البنك المركزي بتاكد الضغوط التضخمية هتفضل محدودة، مدعومة بالسياسة النقدية الحالية وهتفضل ماشية مع  المسار النزولي المتوقع للتضخم على المدى القصير، ده غير أن معدل البطالة انخفض لـ 6.1% في الربع الثاني من 2025 مقابل 6.3% في الربع الأول من 2025.

طيب ايهةاللي هيحصل في أسعار شهادات الادخار في الفترة اللي جاية؟

مع بداية عمل البنوك في مصر واللي هتكون يوم الاحد إلى جاي هتحصل اجتماع علي مستوي مجلس الإدارة لمناقشة قرار لجنة السياسات النقدية بخفض أسعار الفائدة واللي وصلت ل 200 نقطة أساس، والتوقعات بتاكد أنه هيصدر قرارا بخفض أسعار الفائدة علي الشهادات بنفس القيمة اللي أقرتها لجنة السياسات النقدية.