السبت 30 أغسطس 2025
رئيس التحرير
عمرو عامر
رئيس التحرير
عمرو عامر
اقتصاد مصر

تخفيضات عدت الـ 100 ألف.. جنون في سوق السيارات وكله هيشتري عربيات

السبت 30/أغسطس/2025 - 01:30 ص
سوق السيارات
سوق السيارات

يا ترى ايه اللي بيحصل في سوق السيارات؟ وليه الاسعار بتنزل بشكل كبير كده؟ وهل الأفضل تشترى عربية دلوقتي ولا تستنى شوية؟

من فترة قريبة.. كان مجرد التفكير في شراء عربية جديدة أو حتى مستعملة أمر أشبه بالمستحيل.. الأسعار كانت في ارتفاع جنوني.. التجار كانوا بيحتكروا السوق.. وأحلام كتير كانت بتتبخر مع كل ارتفاع جديد في سعر الدولار.

لكن دلوقتي.. الوضع اختلف 180 درجة.. السوق بيشهد حالة من التراجع الكبير في الأسعار.. لدرجة إن بعض الموديلات أسعارها نزلت بمئات الآلاف من الجنيهات.

يطب إيه اللي حصل؟ .. وليه فجأة كل ده اتغير؟

فيه اسباب كتير ورا اللي بيحصل في سوق العربيات اولها ..سعر الصرف.. اللس بيعتبر من أهم العوامل اللي أثرت بشكل مباشر على أسعار السيارات .. بعد ما تم تحرير سعر الجنيه.. وقرب سعر الدولار الرسمي من سعر السوق السودا.. ده قضى على الاحتكارات والمضاربات اللي كانت بتحصل.. وبقى من السهل على المستوردين استيراد السيارات بشكل رسمي.. وبدون اللجوء للسوق الموازي اللي كان بيفرض أسعار خيالية.

كمان صفقة رأس الحكمة لعبت دور مهم.. الصفقة دي كانت بمثابة نقطة تحول حقيقية في الاقتصاد المصري.. ضخ سيولة دولارية كبيرة في السوق.. وده ساهم بشكل مباشر في استقرار سعر الصرف.. وإعطاء ثقة للمستثمرين في الاقتصاد المصري.. وهو ما انعكس بشكل إيجابي على كل القطاعات.. ومنها سوق السيارات.

كمان قرار البنك المركزي بخفض أسعار الفائدة كان ليه دور كبير برضو.. لما الفائدة بتقل.. تكلفة الاقتراض بتقل.. وده بيشجع الناس على أخذ قروض لشراء سيارات.. لكن الأهم إن ده بيشجع التجار على التوسع في استيراد السيارات لإن تكلفة التمويل عندهم بتقل.. وده بيزود المعروض في السوق.. ولما المعروض بيزيد والطلب بيستقر.. الأسعار بتنزل.

كل اللي نقدر نقوله إن اللي بيحصل في سوق السيارات هو نتيجة طبيعية لمجموعة من العوامل الاقتصادية.. وسلوكيات المستهلكين والتجار.