الرطوبة كلمة السر.. أسباب ارتفاع أسعار الأرز في السوق المصري

لو دخلت تشتري كيلو رز الفترة دي.. أكيد لاحظت إن السعر اتحرك لفوق.. طيب إيه السبب؟ هل في أزمة رز في السوق؟ ولا الموضوع مختلف؟"
السبب الأول – المحصول الجديد
بحسب مجدي الوليلي، عضو غرفة صناعة الحبوب، المحصول الجديد لسه نازل من أغسطس ولسه فيه حصاد لحد أكتوبر.
لكن المشكلة إنه مليان رطوبة بنسبة 18 – 20%، وده بيخلي وزنه يقل عند التجفيف، وكمان ممكن يتعرض للتلف أو العفن.

السبب الثاني – تفضيل الأرز القديم
عشان كده المستهلكين والتجار بيفضلوا الأرز القديم... لأنه جاف أكتر.. مناسب للتعبئة في أكياس صغيرة، ومش بيتلف بسرعة.
النتيجة على الأسعار:

الأرز الجديد بيتباع بحوالي 13 – 13.5 ألف جنيه للطن، أما القديم فبيوصل لـ12.5 ألف.. يعني في فرق 500 لـ1000 جنيه للطن لصالح القديم، وده بيرفع سعره في السوق.

ورغم الارتفاع ده، مفيش أزمة وفرة.. بالعكس، في كميات كبيرة من محصول 2024 في السوق والمخازن.. السوق بس في فترة انتقالية بين موسمين، والأسعار هتستقر مع زيادة المعروض.
يعني باختصار.. مفيش أزمة رز، لكن اللي حصل ارتفاع مؤقت بسبب طبيعة المحصول الجديد والرطوبة العالية.. ومع زيادة المعروض الأسعار مرجحة تستقر قريب.