الكرتونة بـ150 جنيه.. من وراء ارتفاع أسعار البيض؟

البيض.. سلعة أساسية على كل سفرة مصرية، لكن أسعار الكرتونة الأيام اللي فاتت رجعت ترتفع من جديد.

المزارع بتبيع كرتونة البيض الأبيض للموزعين بـ 130 جنيه، لكن في السوق المستهلك بيدفع أكثر من 150 جنيه.
طيب.. إيه السبب؟

ماهر نسيم، عضو اتحاد منتجي الدواجن، أكد إن المنتجين ما رفعوش الأسعار.. وإن اللي بيحصل سببه تلاعب من الوسطاء والموزعين اللي بيزودوا على التسعيرة المعروفة.

أما عبد العزيز السيد، رئيس شعبة الدواجن بالغرفة التجارية، فقال إن الكرتونة زادت في المزارع حوالي 5 جنيه  بس (من 127 لـ132 جنيهًا للأبيض و138 للأحمر).. لكن في السوق الزيادة وصلت 10 جنيهات كاملة بسبب الحلقات الوسيطة.

النتيجة؟ المستهلك بيتحمل فرق كبير مش مبرر، خصوصًا في وقت الدولة بتحاول تضبط الأسعار وتخفّض الأعباء على الناس.